紅軍往績殺晒「主勝」扑錘 官方雜誌貼韋斯咸吞4蛋

　　「蘇拿過埋今場就要炒魷！」利物浦今晚英超主場對韋斯咸，贏波信心大過天，賽前紅軍官方雜誌發炮，批死韋斯咸會晏菲路球場慘敗，甚至貼對方輸○比四，立心送隻無情雞畀蘇拿歎，既然利物浦連續七季主場對賽都晒三分，1.9倍「讓球主勝」當然抵玩。（now632台周二凌晨4:00直播）

　　雖然利物浦有射手F.托里斯、左閘歐維里奧加入十字軍，但影響唔到佢贏波信心，賽前紅軍�豕俜诫s誌玩，「提醒」韋斯咸球迷，佢高層冇耐性，假如對方好似上季咁淨吞四蛋，領隊蘇拿就好大機會被炒魷。講得咁絕，照計利物浦領隊賓尼迪斯會收到柯打，炒起韋斯咸擁躉開心。

　　蘇拿帶隊識攻唔識守

　　睇番往績，紅軍又的確有足夠條件大勝，佢近七季主場對韋斯咸，取得全勝紀錄，當中仲有五次保持清白，四次坐底淨勝兩球，今季利物浦走勢係歷年英超最強，加盟後撻唔愛爾蘭前鋒洛比堅尼，應該會把握托利斯養傷機會，爭取入球封住批評者把口，再加埋隊長謝拉特大勇，贏兩三球唔難。

　　對家「錘仔幫」韋斯咸，總算捱過季初傷兵滿營慘況，所有主力球員都踢得，弊在領隊蘇拿領軍功力仲未到家，前鋒出身佢，唔識處理後防不穩問題，領軍十一場得三勝兩和六負，防線只得兩次保持清白，其餘九場失十五球，何況韋斯咸射手華朗比拿美係賓尼迪斯棄將，路數難免被睇死，即使想破蛋都唔容易。